Sai Mudansa

Ami kontente tebes katak ami bele iha ita nia partisipasaun atu fó forsa ba movimentu. Iha dalan oin oin atu ajuda feto ka labarik-feto ne'ebé presiza.

01

Komprende problema

Violénsia hasoru feto no labarik-feto sira iha forma oioin. Ne’e bele sai fíziku, seksuál ka emosionál. Ida-ne’e bele akontese iha públiku ka privadu, online ka offline. Ida-ne’e bele komete husi ema deskoñesidu ka husi parseiru intimu.

02

Hatene sinál sira

Se ita hanoin katak feto ka labarik-feto ida ne’ebé ita koñese karik vitima husi violénsia doméstika, iha sinál baibain ne’ebé ita bele buka atu hatene:

  • nia parseiru hatene buat hotu ne’ebé nia halo
  • nia parseiru laran-moras no koko atu hola desizaun hotu
  • nia parseiru halo insulta nia oin no haraik-an nia iha públiku
  • nia parseiru sente hirus no hahalok la prevee no nia fó kulpa nia tanba nia mak halo nia sai violentu
  • nia parseiru ameasa atu estraga nia ka membru uma-kain, inklui labarik ka animál-hakiak.

03

Labele nonok

Importante tebes atu fó informasaun kona ba kazu violénsia doméstika sira. Ajuda feto ka labarik-feto ida atu ko’alia hodi kria fatin seguru ba diálogu, iha oin no online.

04

Fó apoiu ba organizasaun feto no labarik feto

Fó doasaun ba organizasaun lokál sira ne’ebé fó kbiit ba feto no labarik-feto sira, suporta sobrevivente sira no promove asaun no polítika sira ne’ebé dezeña atu hamenus no prevene violénsia.

05

Hamutuk ho movimentu sira ba feto no labarik feto

Ita-nia forsa iha númeru no ho lian ida de’it, ita bele halo diferensa. Liu husi movimentu sira hanesan “Movementu ba Igualdade” ita sei hamriik metin ba direitu feto no labarik-feto sira-nian.

06

Hatama keixa no husu ajuda karik sai vitima ka haree violénsia akontese

Bolu Polisia Nacional Unidade VPU – 78186551
Bolu ALFela – Asistensia Legal ba Feto no Labarik – 77348424
Haree website www.hamahon.tl atu hane informasaun kle’an tan.